إسلام برجر تريند تصدر مواقع التواصل الاجتماعي وأصبح حديث السوشيال ميديا، بعدما أكتشفت خطيبته انه متزوج ومنجب، مما دفعها لأخذ قرار بفضحه ونزلت تغريدة على موقع تويتر ورغب المتابعين بمساعدتها فأطلقوا عليه اسم “اسلام برجر” ليرد عليها خطيبها ويثير الجدل

حكاية إسلام برجر

اسلام تعرف على فتاة تدعي نور وكان بينهما قصة حب دامت 9 سنوات، وقرروا قراءة الفاتحة، ولكنها صدمت بعد تلك الفترة وقالت:” إحساس وحش أوي، إن بعد قراءة فاتحتي بيوم؛ أكتشف إنه متجوز ومخلف، والمفروض إني أعرف الشخص ده بقالي 9 سنين، موضوع مضحك أوي، حقيقي أنا مصدومة صدمة عمري”.

إسلام برجر

وأضافت الفتاة: “مش مستوعبة إن الناس بتعرف تكدب بالشكل ده، مش مستوعبة إني بعد كل السنين دي طلعت عايشة في كدبة، الحمد لله على كل شيء”.

وتابعت الفتاة: “وكان من سنين يقول: أصل مش بفتح الفيسبوك خالص، طلع كل ده علشان متجوز، ومش عايز إني أكشفه، يلَّا الحمد لله على إنه كشفه على حقيقته، صدمة شديدة أوي، بس ربنا مش بيعمل حاجة وحشة”.

في حين رد خطيبها الذي يدعى إسلام رضا قائلا: “كله سمع من وجهة نظرها وأنا في الآخر حياتي بايظة من ساعة ما عرفتها، لو سمحت محدش ليه دعوة بحياتي، اخرجي منها، ابعدي عني، بتجيبي سيرتي ليه، كفاية اللي حصل وبيحصل من تحت راسك، ابعدي عني”.

واستطرد إسلام حديثه قائلا: “أنا عندي بيتي وعيلتي، معنديش أغلى منهم، أنا بكرهك ابعدي عني، وعند الله تجتمع الخصوم، كفاية بقى مش عايز أعرفك تاني، ابعدي”.

وردت عليه الفتاة: “هل كنت معرفني أنك متجوز؟”، ليرد عليها: “افتكري يوم ما كلنا بناكل برجر قولتلك إيه آخر مرة”، فقالت الفتاة: “قالي إنه هيتجوز بنت عمه عشان مشاكل الورث، هو كدة مقتنع إنه قالي إنه متجوز ومخلف باين”.

وتباينت تغريدات المتابعين بين متعاطف وساخر بعدما نشرت الفتاة مقطع فيديو مدته 22 ثانية تظهر به التورتة التي أحضرها العريس وهي تقول ساخرة:” بس التورتة اللي جابها العريس وجه اتقدملي وطلع متجوز وعنده عيلين تحفة”، وحذفت التغريدة التي بها صورتيهما غير كاشفة عن كيفية اكتشافها لأمر زواجه.